مرحبا للجميع
اول شي بشكر ادارة تحت المجهر على الثقه الكبيرة يلي منحني اياها
وسعيد جدا انو معكم وسعيد كتير رغم اني خايف انو اكون في حلقة جديده بتحت المجهر

بتمنى انكو ما تصعبو عليه الاسئلة كتير لانو بكفي اسئلة امتحانات الجامعة
لانه المدتيرم قرب

صحيح انو انا مشاركاتي كتير قليله
بس انا متابع المواضيع وبطلع على الموقع دايما بس يمكن ظروفي الصعبة بتخليني اطول لما اشارك

اهلا وسهلا فيكو كلكو واهلا وسهلا باسئلتكو يلي اكيد مش اهلا ولا سهلا فيها ههههههههههه

تحياتي لللجميع
وكمان مره بحكي دخيييل الله ما تصعبو الاسئلة

تحياتي الجميع

هههههههههههههههههههههههههههههه
تشكر مين يا حج والله ما في حد بينفعك الا اعملك والله هاي زي يوم الاخرة المنتدي فش حد بيرحم التاني الزلمة الي بطلع منها زي الاسد بدون ما يعاني حبيبي يا مان
راجيعن بعد الاعلان

[URL="http://www.alhnuf.com"]صور[/URL]

مبروك رفيقي قوس

الله يكون بعونك عالمصيبه هادي

تحياتي الك

واحد بحكي مصيبه

وواحد بحكي ولا واحد بنفعك
وواحد بحكي وقعت ولا حدا سما عليك
ولكو حسستوني اني في جهنم وبئس المصير

مرحبا قوس قزح

مبرووووك التميز

وبلا مقدماااااااااات


الاسئلة هي


*قوس قزح قلت انك لا تدخل المنتدى كثيرا ومشاركاتك قليلة ...السؤال ؟؟ما هي الاقسام التي تحب ان تشاهدها وتغتنم فرصة جلوسك على المنتدى للاطلاع عليها ؟


* في رأيك كيف للشاب الفلسطيني ان يتحدى العوائق التي تقف في طريق تحقيق طموحاته واهدافه في ضوء الاوضاع الصعبة التي يتعرض لها شعبنا ؟


*الجبهة الشعبية لتحرير فلسطين ماذا تعني لقوس قزح ؟


*اذا كنت تحب الشعر ؟ من هو شاعرك المفضل

واذا كنت تحب المطالعة من هو كاتبك المفضل ........وما هو آخر كتاب قرأته ؟


*سؤالي الاخير .......يهمنا ان نعرف ردة فعلك عندما علمت انك تحت المجهر وكيف تلقيت هذا النبـأ الجلل


أخيرا لك مني كل التقدير والاحترام

وآسفة جدا جدا اذا كنت ثقلت عليك


سلاااااااااام

فلسطين ..

لغةً مقهورة في شفة طفل حزين ..
موت امرأة تحت أقدام الظالمين ..
واندثار وتمزيق أشلاء أطفال من الرحم قادمين ..

مرحبا يعطيعو العافيه

عاشقة تراب الوطن هلا فيكي
راح اجاوبك على اسئلتي كلها انشاء الله

*قوس قزح قلت انك لا تدخل المنتدى كثيرا ومشاركاتك قليلة ...السؤال ؟؟ما هي الاقسام التي تحب ان تشاهدها وتغتنم فرصة جلوسك على المنتدى للاطلاع عليها ؟

مشان اكون صريح معك ومشان احكيلك شو ييل بصير بالزبط
بدي احكيلك اني بدخل المنتدى وانا كتير تعبان وفي وقت متاخر كتير بالليل غالبا اول شي بعمله:
بدخل على القسم العام وبطلع تطليعات سريعة على المواضيع بشكل عام مرات بشدني موضوع من خلال عنوانه بفتحه وبطلع عليه وغالبا ما برد
برجع مرة تانية لاطلع على المواضيع مشان اختار موضوع تاني لاقرأه
ببصراحه وبدون مجاملات كتير بكون فخور فيكو كلكو على المواضيع يلي بتحطوها بالمنتدى حتى ولو كانت مش من كتباتكن يعني نقل مو مكان تاني
بس كتير بكون مندمج معها وانا بقراها خاصه المواضيع الادبيه يلي بتحكي عن النفس والصدق والحب والحياة وشو بتتمثثلنا هالحياةوكمان كتير المواضيع يلي بتحكي عن واقعنا المرير بتشدني وبتخليني اركز معها ازا حسيت في كاتب الموضوع انو عنجد عايش الحدث
مرات بطلع على قسم الطرائف بس مو كتير بطول وانا بطلع عليه
بصراحه تحت المجهر مش كتير بطلع عليه واعزروني لهشي يعني يمكن اكون اناني بهالشغله انو الكل عم يسألني وانا يمكن عمري ما سألت حدا

يمكن لانه شغلي تقني اكتر ما هو ادبي بهمني منتديات تقنية لاطلع عليها او بتاخد من وقتي الجزء الاكتر



بالنسبة للسؤال التاني
في رأيك كيف للشاب الفلسطيني ان يتحدى العوائق التي تقف في طريق تحقيق طموحاته واهدافه في ضوء الاوضاع الصعبة التي يتعرض لها شعبنا ؟

لو السؤال هاد اتوجهلني على تلفزين او بمقابله ازاعيه يمكن كان صرت اصوت واحكي لازم نكون اقوياء واحنا صامدين واحنا شو ما صار عزيمتنا وقوتنا اكبر من كل شي
بس لاني بدي اكون هون شوي صريح ومنطقي وواقعي بنفس الوقت بدي احكي يلي بقلبي ويلي بحسه بكل شفافيه واريحيه ومن دون كلمات تشجيعيه
العوائق يلي بنتعرضلها كتير صعبه وكتير بتغير من نفسيتنا للمواصلة وبتاثر على عطائنا ما بدي ادخل بالشي النفسي لانو نحنا اكبر من كل شي كفلسطينييين
انا بعرف انو قوتنا لازم تكون اكبر من الواقع يلي بنفرض علينا
صمودنا واصرارنا لازم يعوض النقص يلي انوجد بفعل الاوضاع الصعبة السياسية والاقتصاديه ومن كل الناواحي
بس يا ناس نحنا بنقصنا كتير امور كتير اشيا
كتير مستلزمات لنعيش حياتنا الشباببيه كشباب
النقص هاد ما في شي بالدنيا بعوضوا يمكن نحنا اتعودنا على عدم وجودو وهاد الشي ساعدنا كتير بس هو ناقصنا بالفعل
بتعرفو يمكن لأنا ما عمرنا حسينا بمتعة الحياة الحقيقية يلي عنجد مش حاسين بنقص عناصر الحلاوة يلي فيها مشان هيك مش حاسين ببشاعة نقص هالحياة لانا عمرنا ما حسينا بوجودها

ما بدي ايأسكو من حياتكم بس هاد الوقع يلي بنعيشو
بدي احكيلكم شغله
الدنبا او الحياة بدون قوانيين ما فيها شي ممكن نحس بطهمو او بلزتو حتى ولول كان القانون صارم
كل شي بحياتنا صار غامض حتى المستقبل يلي بنبنية بكل جهد عنا
انو انعيش هيك بحياة مانا عارفين مين حاكمنا ومن مين محكومين ولشو رايحين وشو بدنا نعمل وووووو...
كتير هالاحساس بخلينا من جواة قلوبنا نحس بمرض كلنا عايش فيه

بس بالاخر بكفينا انا نكون الشعب والناس الوحيدين يلي بندافع عن هالارض وبكفينا انو كل العالم العربي والاسلامي حااط فينا نور لشمعه يلي ممكن يطلع هالعالم من سواد الضعف العربي
بكفينا هالشي
وبكفي انا لما نشوف طفل صغير فلسطيني برفع العلم الفلسطيني على مخصوم اسرائيلي وسط كل جنود الاحتلال انو نحكي هاد طفل النا وهاد طفل من بلدنا


الجبهه الشعبيه؟؟ماذا تعني لي؟؟
ما بدي احكي كتييير
بس الجبهه الشعبيه حزم مقاوم بكفي انو الو منهاج بسير عليه
وبكفي وعي افراده
يمكن في اشيا معينة ما بتعجبني في الجبة وفي فكر الجبه وفكر افرادها وما حدا يسالني شو هي
بس الشي يلي بخليني جبهة شعبيه انها عمرها ما اتواطأت مع حدا مشان مصالح ذاتيه
انا على نفسي لوني مش جبهة شعبيه لكان صرت في موقع ما حدا بحلم فيه ويمكن في رفاق بعرفو شو معناة كلامي


والله ببحب لشعر كتييييير ..وبكتب كمان بالشعر وفي الي موقع على النت مكتوب فيه الي شوية خواطر
ما عندي انسان معين هو كل شي بالشعر او هو الميز عن غيرو زي نانسي عجرم(هههههههههههههههه9) بس بحبو كتير لنزار قباني باشعاره

المطالعة بموت فيها وما بحكي هيك عشان تقولي ما شاء الله عليه هالقوس بطالع
لا والله انا بجد دايما بالمكبة وبحب القراءة كتير بس اهم شي ما تكون القراية مفروضه عليه متل(الجامعه)ههه

الكاتب المفضل لي كاتب فرنسي اسمه (برناردين دي سان بير) طبعا بقرأ كتاباته المترجمه

اخر كتاب هو كتاب ((التثقيف الذاتي))في مكتبة الهلال الاحمر بس ما قريت منه كتير



شو كان شعوري لما عرفت اني تحت المجهر
اتفاجات لانو ما توقعت حالي بالمكان لانه انا مشاركاتي قليله
بس كنت مبسوط
وخايف
يعني ازدواجيه في الشعور
اي والله كل ازدواجيات الدنيا بدها تدخل لقلب الواحد بتفكرو الموضوع سهل؟؟؟
تحياتي للجميع

وتحياتي الك عاشقة تراب الوطن على اسئلتك الحلوه
واوعي تعيديها
ههههههههههههههههههه
سلاماتي

مرحبا رجعنا مره تانيه



ايش هوه الشي الكويس فيك وما بيعرفوه رفاقك ؟؟؟

كل انسان بكون في مشوار حياته عقبات و يتجاوزها ايش العقبات يلي مرت عليك وتجاوزتها ؟؟؟

في اصدقاء في حياتك تعرفت عليهم وندمت انك تعرفت عليهم ؟؟؟

هادا سؤال بخوف شوي

الله يعطيك الصحه وطول العمر

ازا مثلا باقي على حياتك شهر واحد وبتنتهي شو ممكن تعمل خلال هادا الشهر

ايش اكتر شي بخاف منو رفيقنا قوس قزح ؟؟؟

ايش هوه الشي يلي بيزعجك اكتر شي في البيت 0000 الشغل 0000 الصديق ؟؟؟

وتحياتي الك

متخاف مش حرجع مره تانيه بترك المجال للرفاق

مرحبا رجعنا مره تانيه



ايش هوه الشي الكويس فيك وما بيعرفوه رفاقك ؟؟؟

والله ما حدا بقدر يحكم على نفسه بالصفات المنيحه
يلي بقدر يحكم فقط اصحابه
وازا فيه شي كزيس واصحابي ما عرفوه اكيد ما بكون كويس

كل انسان بكون في مشوار حياته عقبات و يتجاوزها ايش العقبات يلي مرت عليك وتجاوزتها ؟؟؟
في عقبات كتيرة كتير مرت بحياتي يمكن وحده منها اني في فصل من فصول الجامعه كتيييير كنت كسول والنتيجه كانت مش ولا بد بالنهايه
كتير عقبات بس مش ممكن احكيها لانها خاصه فيه
في اصدقاء في حياتك تعرفت عليهم وندمت انك تعرفت عليهم ؟؟؟


اه في لانو ما حسيت فيهم الاصدقاء الاوفياء يلي ممكن يكملو معي الطريق
هادا سؤال بخوف شوي

الله يعطيك الصحه وطول العمر

ازا مثلا باقي على حياتك شهر واحد وبتنتهي شو ممكن تعمل خلال هادا الشهر


واللله سؤال غريب بس يمكن بضلني اقرا قران وبدع الناس يلي بعرفهم وبضلني اعمل خير قديش بقدر
ايش اكتر شي بخاف منو رفيقنا قوس قزح ؟؟؟

اكثؤ شي بيخوفني المستقبل الغامض
ايش هوه الشي يلي بيزعجك اكتر شي في البيت 0000 الشغل 0000 الصديق ؟؟؟
في البيت
البي اكتر شي بزعجني التدخلات الشخصية بحياتي كشب

في الشغل
الصوت العالي

الصديق
اكتر شي بزعجني بالصديق ازا كان جدي او مرح زياده عن اللزوم


وتحياتي الك

متخاف مش حرجع مره تانيه بترك المجال للرفاق